GISUGDAN na sa CDO City College – Technical Skills and Technology Institute (CDO City College TSTI) ang pagdawat og mga buot motungha og libreng technical-vocational skills alang sa 1st Quarter sa tuig 2025.
Sa mga interesado mahimong personal nga mobisita sa school campus alang niadtong mga walay internet connection. Mahimo usab mag-pre register online pinaagi sa https://tinyurl.com/CCCDOTechVocPreReg
Sa mga mag-online pre-registration, hulatan lamang ang confirmation gikan sa CDO City College – TSTI pinaagi sa text o tawag ug mahimong personal na gilayon nga moadto sa school campus nga nahimutang sa Zone 2 Bargy Agusan ning syudad ug magdala sa mga gikinahanglan nga mga rekisitos.
Kahinumdoman nga liboan na ka mga estudyante ang nakaangkon og libre’ng techvoc skills sa CDO City College – TSTI diin tumong sa tunghaan nga mahimong globally competitive ang mga motapos niini.