General Santos City – Ang Anti-Red Tape Authority (ARTA) nihatag sa Certificate of Commendation sa lokal nga kagamhanan sa General Santos City sa ARTA Bagong Pilipinas Town Hall nga gipahigayon Mayo 15, 2024 sa Mt. Sabrina Panoramic View and Resort ning dakbayan.
Si Mayor Lorelie Geronimo Pacquiao nakadawat sa Certificate of Commendation gikan kang ARTA Secretary Ernesto Perez isip pag-ila sa General Santos City nga usa sa mga exemplary LGUs sa pagpahapsay ug pagpayano sa business permits ug licensing procedures ug sa malampusong pagtukod niini sa functional electronic Business One-Stop Shop (eBOSS). ).
Mitambong usab sa maong kalihukan si kanhi Senador Manny Pacquiao kinsa mipaabot sa iyang pagdayeg sa lokal nga kagamhanan partikular na sa pamunoan ni Mayor Lorelie Pacquiao sa kakugi ug dedikasyon niini sa pagpalambo sa mga serbisyo nga gihatag sa gobyerno. (Rem Agdon)