Mga alas 6:45 an takna sajo nan duyom nan jandton Abril 1, 2019, tagdaya sa Surigao City Police Station nila police staff Sgts. Leo Martin Pagapong sanan Rene Bagtaso an nadakop na tawo na si Onhel Arjemar Rosete Nohara, 26 anyos, ulitawo sanan residente sa Brgy.5, Dapa, Surigao Del Norte sa kasong alarm & scandal sa may gawas nan Eva Macapagal Port Terminal sa may Bilang-bilang, Brgy. Taft ciudad nan Surigao.
Sa taghimo na imbestigasyon ngadto kan Ritchme Borja, 32 anyos, security guard nan Sagittarius Secuirty Agency nga naka-assign sa Eva Macapagal Port terminal, nahibaw-an na sa may 6:30 sa duyom adesir an pag-wala, matud pa na-obserbahan nan inin security guard on duty na si Ritche Borja na gusto mo-suyod sa naasoy na terminal si Ohnel Nohara, pero tungod kay way nahipakita na ticket, waya ini sija tuguti sa ija gusto, nupanaw anay pagawas inin suspek pero nobalik ra dajon ug didto na nag-sugod pag-wala pinaagi na sa pag-panhagit nan away sa mga pasahero. Waya pa ma-kontento, tangguba pa nan ini an pipila ka tarpaulins sanan signages na naaktuhan pa nan mga no-responde na kapulisan, hinungdan na tag-aresto ini.
Kasamtangang tag-detinir ini kuman sa Surigao City Police Station custodial cell samtang tag-proseso an pag-pasa nan kaso nga alarm and scandal.