Cebu City -Wala pa makatungtung ang Dakbayan sa Lapu-Lapu sa uno porsyento sa ilang target population alang coronavirus disease 2019 (COVID-19) vaccine ang
Gibutyag ni Dr. Mary Jean Loreche, tigpamaba sa Department of Health (DOH)-7 nga sa kasamtangan duna lay 1,289 ka indibidwal ang naka kompleto sa duha ka dose sa vaccine sa maong syudad, sa gikan sa target population nga 280,000 ka mga indibidwal.
Samtang mokabat lang ug 3,189 ka mga indibidwal ang nabakunahan sa ilang first dose sa vaccine.
Si Loreche, kinsa mitambong sa Vaccination Orientation sa Dakbayan sa Lapu-Lapu, mibutyag nga nangandam na ang syudad alang sa mass vaccination sa COVID-19.
Gi orient sab sa dakbayan, pinaagi ni Dr. Agnes Realiza ang mga sakop sa Child Development Workers alang sa COVID-19 vaccination.
Ang syudad sa Lapu-Lapu nahimutang sa sidlakang bahin sa Lalawigan sa Sugbo, usa ka highly industrialized city, diin liboan ka mga trabahante anaa sa Mactan Export Processing Zone.
Gihulagway ang maong syudad nga “show window to the world.” (Jhon Tadlip/JTY)
(Source: Department of Health 7, photo courtesy of City Social Welfare Development-Lapu-Lapu)
