Cebu City – Nagsugwak na sa pagka karon ang gidaghanon sa mga Covid-19 patient sa Lapu-Lapu City District Hospital.
Gibutyag ni Dr. Ronald Oporto, chief administrative officer sa maong tambalanan sa syudad nga sa kasamtangan duna nay 49 nga pasyente sa Covid-19 sa District Hospital.
Kini bisan pa man nga duna lay 12 ka bed capacity ang maong tambalanan.
Sa pagka karon, dili una modawat ug bag-ong mga pasyente gumikan sa kapuno.
Nasayran nga sagad sa mga less privileged sa syudad anha modangop ug magpa tambal sa public hospital sa syudad.
Ang dakbayan duna lay usa o duha ka pribadong tambalanan nga modawat ug covid cases.
Sa miaging semana, kapin sa 30 ka mga abandoned children sa Lapu-Lapu City Home Care sa Barangay Gun-ob ang nagpositibo sa Covid-19.
Baasi sa report sa Department of Health-7, miabot ug 19 ka mga nataptan ug Delta variant, ug nadugangan pa kini ug upat sa maong batch niadtong July 6 to 10 nga samples.
Sa pagka karon gibutang sa Modified Enhance Community Quarrantine (MECQ) hangtud sa Agosto 31, 2021.
Subsub na sab ang kagamhanan sa syudad alang sa pagpahigayon ug vaccination ug kampanya nga magpa bakuna ang molopyo sa dakbayan. (Jhon Tadlip)
(News & photo courtesy of Lapu-Lapu City District Hospital)