Balbaliw a binukel ni Laoag City Mayor Michael Marcos Keon ti gunglo dagiti media nga agkobkober iti Laoag City Government.
Inlawlawagna no apay ita laeng nga inaramid na daytoy ket gapu iti kinaawan pay ti nadutokan a kas mangidaulo iti Communication and Media Office.
Kalpasan ti pannakadutok ni Mr. Randy Menor, dati a news Director ti ABS-CBN Laoag ket insigida a nareorganisar dagiti media iti Laoag city ken insigida met a pinagsapata ti mayor.
Inkari met ti Mayor ti nasinged a pannakilangen na kadagiti media ngem dinawat na ti responsible ken balance a panagwaragawag. (OIC Rodrigo G. Sadian, RPN DZRL Batac)
(Source: Office of the Laoag City Mayor)