Naikabilen iti Red Zone Level iti Aafrican Swine Fever (ASF) ti siyudad ti Laoag gapu iti kaaddan ti naduktalan nga ASF.
Dagiti taraken a baboy iti dua a baranggay iti siyudadti laoag dagiti naapektaran a lugar a nakaisayangkatan ti culling ket ti Brgy 29 Sto Tomas iti purok uno along Rizal St., Purok 2 East Rizal St., Purok 3 along Rizal St., Purok 8 Lusong, kasta met ti Brgy 28 San Bernabe, Purok Uno along Rizal St.
Madama met ti pannakasipot dagiti baboy iti Brgy 29 Santo Tomas, Brgy 28 San Bernabe, Brgy 27 nstrsra de Soledad ken Brgy 54-b Camanggaan nga adda iti 1000m radius.
Mainaig iti daytoy nabagaan dagiti agtartaraken iti baboy iti panagan annad ken ti pannakaipawil iti panagparti iti pagtaengan agsipud ta rumbeng a maiwayat ti inspection babaen kadagiti meat inspector.
Awan met ti mapalubosan a karne ken meat by-products a rumuar iti laoag tapno saanen a maiwaras pay ti nasao a sakit..