Zamboanga Del Sur – Mao kini ang ihap sa mga COVID patients nga giatiman sa atong Zamboanga del Sur Medical Center as of August 28, 2021(11am). Kung atong susihon, “overwhelmed” kun puno na gyud kaayo ang hospital ug “understaff” na tungod sa kadaghang health care workers nga nataptan sa virus.
Dili na tiaw ang atong sitwasyon busa among kinasingkasing nga paghangyo, atong tabangan atong medical frontliners ug dili nato sila pasagdaan nga mao ray makigbisog batok sa pandemya. Magpakabana kitang tanan alang sa safety sa atong pamilya ug mga mahal sa kinabuhi pinaagi sa simpleng pagsunod sa basic health protocols (pagsuot og face mask, social distancing ug proper hygiene) ug ang paglikay sa mga “crowded” places o paghimo og non-essential gatherings.
Dili na nato paabuton nga mo-collapse ang atong local health care system tungod kay daghan pang medical services ang giatiman sa atong mga balay-tambalanan.
Hinaut nga magkahiusa kita sa pagpakgang sa pagkuyanap sa COVID-19 ug labaw sa tanan makatabang kaayo ang atong mga PAG-AMPO aron malagpasan nato kini nga health crisis.