NAGBUNGA na ang paningkamot ug pakigbisog ni Congressman Bambi Emano nga ma-upgrade sa hingpit ang Laguindingan Airport ngadto sa International Airport.
Matud ni Congressman Bambi Emano sa programang Bambi sa Kongreso nga napulo na ka tuig gikan sa katukoran sa Airport apan walay nangita og lakang nga mapaningkamotan kining ma-upgrade taliwala paman nga anaa kini sa ikaunom sa tibouk nasud, ikaduha sa pulo sa Mindanao sa pinaka busy nga airport sa Pilipinas.
Dugang sa Kongresista nga human niya gipakigbisogan atol sa bag-ohay lang nga budget hearing nga mapundohan ang airport nipasalig ang DOTr nga malakip kini sa tuig 2024 nga ma-upgrade.
Gipasabot usab ni Congressman Bambi ang daghang rason nganong gikinahanglan na gyod nga ma upgrade ang airport gumikan sa kadaghang pasahero matag adlaw lakip mga flights nga halos dili na gyod maakomodar.
Laumang sa mosunod nga mga tuig kon matapos na ang upgrading sa airport ubay-ubay na ka mga flights ang madawat, dili na magpiot ug daghan na ang mga pasahero nga gikan sa nagkalain-laing lalawigan sa Mindanao ang makabenipisyo ug aduna nay motugpa nga mga direct flight gikan sa laing nasud.
Written by Cheleste Simene
Photo courtesy of Cong. Bambi FB Page