Landslide-prone areas tinututukan ng NDRRMC

Tinututukan ngayon ng National Disaster Risk Reduction and Management Council (NDRRMC) ang mga lugar na madalas magkaroon ng pag-guho ng lupa.

Ayon kay NDRRMC Spokesperson Mark Timbal, kanila nang iniinspeksyon ang mga landslide-prone areas sa bawat rehiyon na lumambot ang lupa dahil sa pagtama ng nakaraang Bagyong ‘Quiel’.

Aniya, dahil rin sa problemang ito ay maaaring hindi madaanan ang mga kalsada bunsod ng mga gumuguhong lupa na galing sa bundok.

Pinaalalahanan ng NDRRMC ang publiko na maghintay ng mga abiso sa mga local DRRM offices sa posibleng paglikas kung ito’y kakailanganin.