DSWD 12, mitubag sa mga pangutana kabahin sa delatar nga social pension sa mga Senior Citizens sa Gensan

Daghang mga pangutana sa mga konsehal sa syudad sa Gensan ngadtu sa personahe gikan s DSWD region 12 atol sa regular session karong adlawa sa dihang gipatawag kini atol sa question and answer hour. Matud pa ni City Councilor Rosalita Nunez nga angayang hatagan ug pagsalig sa DSWD ang mga barangay officials aron paspas ang pag release sa social pension tungod gikinahanglan kini sa mga katiguwangan.  Gidugangan usab ni kagawad Lulu Casabuena nga daghan na nga reklamo nga hinay ang proseso sa maong buhatan ug dugay naghulat ang ang pobre kon indigents nga mga katiguwangan.  Isip Chairman sa komitiba sa social services nagkanayon usab si kagawad Shandee Llido nga kanunay mahan ukan sa pangutana ang LGU Gensan nga unta ang maong programa iya sa National Government kon DSWD. Hinuon gipasalig sa maong taga DSWD nga ilang paningkamutan nga mapadali ang proseso sa maong kaayohan sa katawhang edaran.  Samtang giklaro nga lahi usab ang programa sa 4P’s kon pantawid pamilyang filipino program sa department of social welfare  and development. Nagpadayon usab matud pa karon ang data cleansing sa mga senior citizens nga beneficiaries sa maong Programa.  Adunay kapin 30,000 katiguwangan apil sa maong validation kon cleansing. Samtang gisugyot ni liga ng mga barangay president Lorilie Pacquiao nga ibalik sa barangay ang proseso sa pag ila sa mga beneficiaries sa social pension kay mas nakaila sila sa ilang mga constituents ug hasta ang releasing sa mga Social Pension.