31.3 C
Manila
Tuesday, April 23, 2024

Lalawigan Si Sugbo Way Kausaban Sa Border Control

- Advertisement -

Cebu City – Gipahibawo ni Gob. Gwendolyn Garcia nga walay kausaban sa border control tali sa mga siyudad ug lungsod ubos sa hurisdiksyon sa probinsiya.

Kagahapon, giabiabi ni Garcia ang desisyon sa kagamhanan sa dakbayan sa Sugbo pagpatuman og balik sa mas hugot nga border control aron kapugngan ang nagsaka nga ihap sa aktibong mga kaso sa coronavirus.

Suma pa ni Garcia, kon pahugtan man sa siyudad ang pagbantay sa mga utlanan magpasalamat pa siya kay pinaagi niini, masalbar man usab ang mga tawo sa lalawigan.

Sa nasayran, ang  Cebu province ug  Cebu City parehong ubos sa  MGCQ o modified general community quarantine nga gilaomang hangtod lang sa Nobyembre 30.

Apan sa pangutana kon nagplano ba usab siya pagpatuman og kausaban sa paglusot sa utlanan sa matag lungsod ug siyudad sa probinsiya, si Garcia miingon nga wala.

Iyang gipasabot nga naga dis-og na ang lalawigan busa dili kini angayng santaon kay ilang natimbang-timbang nga sama sa ubang sakit,  ang Covid 19 anaa ra sapalibot.

Una niini, gianunsyo ni Mayor Edgardo Labella nga ilang banhawon ang mas hugot nga border policies nga naglakip sadili pagpasud sa mga dili importante ang katuyoan.
(Jhon Tadlip/JTY)

(Source & Photo: Cebu Provincial Government)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -