Davao City – Padayon karon ang pagila sa usa ka lalaki nga gipusil patay sulod sa usa ka PUJ sa C.M Recto St.
Base sa datos sa San Pedro Police Station gibana-banaang anaa sa kapin 20-anyos ang pangidaron sa biktima, adunay tattoo sa dughan, wala ug tuong bukton, nakasuot og pula nga short pants ug blue nga t-shirt.
Sakay ang biktima sa PUJ nga may rutang Ecoland SM pag-abot atubang sa RCBC Bank sa dalang C.M. Recto gipusil kini sa wa mailhing suspek gamit ang di matinong pusil.
Nadala pa ang biktima sa Southern Philippines Medical Center (SPMC) apan gideklara kining patay sa attending physician alas 6:53 sa gabie.
Narekober sa crime scene ang usa ka .45 Caliber Pistol.
Sa karon, Padayon nga nag-imbestiga ang kapulisan sa kung kinsa ang suspek ug ang motibo sa krimen. (Camille Santos Naraga)
(Source: Davao City Public Information and Inquiry Page)