Davao del Sur – Gidakop sa mga sakop sa Digos Police Station ang usa ka 39-anyos nga maestro sa usa ka dakong kolehiyo sa Digos City atol sa entrapment operation nga sa pagpanguna ni PLt. Diosdado Niones II ubos sa supervision ni PLt. Col. Hamlet Lerios sulod sa usa ka lodging inn sa Lim Extension.
Gikasa sa otoridad ang entrapment operation human misumbong ngadto kanila ang usa ka 20-anyos nga babayeng estudyante nga gi-agda siya sa suspek nga makighilawas aron mupasar sa iyang klase.
Sumala ni PLt. Diosdado Niones nga gisulod nila ang kuwarto nga gisudlan sa duha ug didto naabtan nilang wa nay saplot ang duha nga mga nakatapis nalang og tualya.
Sa karon, gipaubos Ang biktima sa counseling sa CSWDO sa Digos City.
Samtang, pasakaan og kasong Sexual Harassment and Seduction ang giingong suspek. (Camille Santos Naraga)
(Source: Digos City Police Station | KARMM Network)