Nadakpan ang usa ka lalaki nga namusil sa otoridad sa checkpoint sa gabii sa P3, Puerto National Highway ning syudad sa Cagayan de Oro niadtong miyerkules. Ang suspect nailang si Ronald Pueblos, Owapin, 43 anyos nga taga Upper Puerto ning syudad.
Sama pa sa kapolisan nga samtang nagpahigayon ang mga personahe sa Police Station 6 sa Puerto, usa ka lalaki ang kalit nga namusil ug misibat gilayon paingon sa sentrong bahin ning syudad. Giingong duna kini kaubang babaye nga nalambigit sa illegal nga kalihokan.
Matud pa ni Police Captain Ron Baba, ang hepe sa Police Station 6 nga ang suspetsado naana sa ilang druglist. Sa pagsikop sa suspetsado, gibutyag niini nga gihardol niya ang checkpoints tungod kay walay lisensya ang iyang sakyanan. Gihimakak usab niini ang giingong pagpamusil ug wala siya nagdala sa shabu.
Nakuha gikan sa suspetsado ang .35 kalibreng revolver buhing bala ug illegal nga drugs. Mag-atubang sa kasong criminal ang suspetsado.