Balor P1.1 Million Nga Shabu Nasapon Sa QCP

Balor P1.1 Million Nga Shabu Nasapon Sa QCP

by RPN
44 views

Nasapon sa mga tinugyanan sa Quarantine Check Point (QCP) ang pagpayuhot sa shabu sakay sa puti nga multicab-van type kagahapong adlawa sa kadlawon sa Zone 3, Opol sakop sa Misamis Oriental. Gibutyag ni City Police Director Henry Dampal sa Cagayan de Oro nga samtang nagpahigayon sa checkpoint ang iyang mga personahe, naintercept nila ang wa giselyo nga cellophane nga adunay crystalline substance nga gisulod sa dili momenus 176 grams nga mokantidad sa P1,196,800.00 .

Ang driver nga nasapon nga nagkarga sa maong sakyanan giila nga si Junnel Lorenzo y Butilla, 35 anyos, minyo ug molupyo sa Zone 5, Bugo, Cagayan de Oro City. Anaa na siya sa kustodiya karon sa otoridad samtang giandam na ang tukmang kaso batok niini.

Gawas sa team sa kapolisan sa Quarantine Check Point nga nakasapon sa pagdala sa shabu sa nasangpit nga suspetsado, giabagan usab sa mga barangay officials ug sakop sa media ang pagrekisa sa karga sa suspetsado.

Gidayeg ni Dir. Dampal ang paningkamot sa iyang mga sakop nga nakahatag katumanan sa ilang misyon. Iya usab gidayeg ang kooperasyon sa katawhan.

 

0 comment

Related Posts