Patay na nga nakaplagan ug nagkadugo ang usa ka 19 anyos nga lalaki, ulitawo nga residente sa Zone 2, Kalasungay, Malaybalay City, Bukidnon.
Dumduman nga nabulabog ang mga residente dool sa Oval, Zone 2 Kalasungay, kagahapon sa buntag, Nobyembre 25, 2023 Sabado human madiskubrehe ang nagbuy-od nga lawas sa usa ka lalaki nga nabulit sa dugo.
Base sa imbestigasyon sa Malaybalay City Police Station, nga naka-angkon ang biktima og daghang samad dinunggaban sa nagkadaiyang parte niini sa iyahang kalawasan hinungdan sa iyahang hinanali nga kamatayon, nakuha usab sa crime scene ang usa ka buak nga botelya nga gitoohang maoy gigamit sa pagdunggab sa biktima.
Sa pagkakaron, padayon pa ang imbestigasyon sa Malaybalay CPS gumikan blangko pa kini sa posibleng motibo sa pagpatay sa maong biktima.
Written by Cheleste Simene