Nagpadayon karon ang questioning sa duha ka Person of Interest nga gituhuang may kalambigitan sa nahitabong tulis sa ORO Sugbo Pawnshop, didto sa dakbayan sa Sugbo niadtong Sabado sa Buntag, Nobyembre 25, 2023.
Kagahapon sa buntag, Nobyembre 26, 2023, pasado alas 9:45 na toltulan ang duha ka Person of Interest didto sa usa ka apartment nga nahimutang sa Sitio Canumay, Barangay Labogon, dakbayan sa Mandaue.
Sumala sa kapulisan sa Mandaue City Police Office nga usa ka joint hot pursuit operation ang gihimo sa CCPO ug MCPO.
Usa ka babaye ug lalaki ang anaa karon sa kustodiya sa kapulisan sa Cebu City Police aron pagpangutana kanila may labot sa nahitabong tulis.
Gituhuang aduna pa kini mga kaubanan kay posibling upat ngadto sa walo ka mga tawo ang responsabli sa maong pagpanulis.
Sa pagkakaron way hunong ang kapulisan sa pagpangita sa mga kaubanan nga nanulis sa ORO Sugbo Pawnshop nga padayong nag tago-tago.
Giawgag usab ang publiko nga makig alayon kanila kung adunay kasayuran sa mga tawo nga responsabli sa nahitabong tulis. (Renante Socia Lada, photo credits to the owner)