Davao City – Gibalhog sulod sa prisohan ang usa ka 43 anyos nga lalaki kinsa gidakop human nakuhaan ug ilegal nga druga dihang naharang sa joint AFP-PNP checkpoint sa Barangay Lasang ning siyudad.
Si Captain John Louie Dema-ala, Public Information Officer sa Task force Davao mi-ila sa suspek nga si Oscar Cabahug Fortuno, 43 anyos, residente sa San Juan, Skyline Village, Barangay Catalunan Grande ning siyudad sa dabaw.
Sumala ni Dema-ala nga sakay sa pampasaherong bus si Fortuno pasulod dinhi sa Davao City, apan pag-abot sa inspection area sa Checkpoint sa Barangay Lasang ning siyudad, nakuhaa kini og duha ka mga pakete sa gituohang shabu nga dunay 0.5 5grams ang gibug-aton nga mikantidad og ₱ 8,000. Ang dinakpan anaa na sa kustodiya sa Bunawan Police Station.
(Source: Task Force Davao)