ALABEL,Sarangani Province- Dako ang pagpasalamat sa lokal nga kagamhanan sa munisipyo sa Alabel human nga laing hugna sa mga hinabang gikan sa buhatan ni Sarangani province representative Rogelio “Ruel” Pacquiao ang gihatag sa ilang mga frontiners sa Barangay.
Mokabat sa 800 ka mga food packs, 26 ka mga sako sa bugas, 104 ka buok nga dressed chicken, aron panud-an, ug 750 ka buok face masks alang sa mga frontliners, Barangay Health Emergency Response Team ( BHERT’s), mga tanod og mga volunteers sa 13 ka mga barangay sa munisipyo sa Alabel.
Mismong mga staff ni Congressman Pacquiao ang mihatod sa maong hinabang sa pagpanguna ni Ms. Adeline Jalagpas katugbang ang mga kasundaluhan sa 73rd IB Philippine Army.
Kinasing-kasing na pasalamat usab ang ginapaabot sa mga kapitan sa 13 ka barangay sa Alabel kay dakong tabang kini alang sa atong mga frontliners nga naggahin gayud sa ilang oras, kahago ug panahon aron kitang tanan maserbisyuhan.
Alang kang ABC President Kapitana Rose Mae Slway Orlino, kapitan sa Barangay Pag-asa Alabel, Sarangani Province nga dakong tabang ang mga hinabang sa kongresista.
Ilabi na sa mga frontliners sa ilang munisipyo nga mao gyud ang nangunay sa pag-atubang sa mga katawhan, gitaya ang ilang kinabuhi aron nga masalbar ang katawhan batok sa COVID-19.
