Na usab nga mga proyekto ang malampusong giturn-over sa kagamhanang lokal dinhi sa dakbayan sa Dipolog niadtong nakalabay nga Setyembre 21, 2020 ngadto sa upat (4) ka mga barangay sa Dipolog; partikular sa Barangay San Jose, Olingan, Sta. Filomena, ug Miputak nga gitambongan kini ni City Councilor Eddie Baron isip representante ni Mayor Darel Dexter T. Uy, Assistant City Engineer Engr. Julie Mae Saguin, ug uban pa.
Ang maong turnover ang gisugdan didto sa Barangay San Jose pinaagi sa pagtugyan sa MRF Building and Sanitary Landfill nga nagkantidad og ₱ 520,000.00 ka pesos diin ang pundo ang nagagikan sa Environmental Management Bureau IX (EMB IX), Filling Works at Dipolog Sports Complex sa Barangay Olingan nga nagkantidad usab og ₱ 2,740,000.00 kansang ang pundo gikan sa 2020-20% Development Fund, Concrete Drainage Canal sa Barangay Sta. Filomena sa kantidad nga ₱ 3,350,000.00 gikan sa Trust Fund-2017, ug ang Improvement of Dipolog City Land Transport Terminal -Parking Area sa kantidad usab nga ₱ 1,870,000.00 kansang pundo gikan sa Special Project Allocation – City Mayor’s Office (SPA-CMO).
Sumala pa nga ang mga proyekto nga gibubu karun sa dakbayan ilawom sa liderato ni Mayor Darel Dexter T. Uy maoy nagpamatuod nga ang kasamtangang administrasyon ang naglantaw gayud sa kaayohan sa mga katawhan pinaagi sa paghatag sa nakalain-laing proyekto nga makatabang dinha sa dugang pagpalambo sa ning dakbayan. (City Information Office-mars)
