Cebu City – “In pari delicto.”
Gipahamtangan ug 15 ka adlaw nga pagka suspenso sugod karong adlawa ang Consolacion lady traffic enforcer, kinsa nakita sa video nga nanghapak ug nanghagit og sumbagay sa gika lalis nga food delivery driver.
Misangpot sa tensyonado nga sitwasyon ang panaglalis tali sa Enforcer nga si Maricris Modena Vallejos, nga na videohan nga nanghapak ug nanghagad ug sumbagay sa gikalalis nga food delivery driver nga si Marcelino Merca Sabucido Jr.
” The enforcer has already been reprimanded. I will issue a 15 day suspension without pay and she will be issued citation for not wearing facemask. The suspension starts today,” mensahi ni Consolacion Mayor Joannes Alegado
Matod ni Mayor Alegado nga ang iyang suspension gumikan kini sa “misconduct”.
Dugang niini, mobayad pa gyud si Vallejos ug multa tungod sa wa pagsul-ub og facemask.
Basi sa local Ordinance No. 32 Series of 2020 “not wearing of facemask or other protective equipment”, duna kini multa nga ₱ 500 – ₱ 1000 fine o 5-10 ka adlaw nga pagka priso.
Gikompirma ni Maricris Vallejos, kinsa na assign sa may pedestrian lane sa SM Consolacion ang maong suspension.
Samtang ang bahin sa driver, ipadayon ang kaso batok kaniya kinsa milapas sa balaud sa trapiko.
“The police is filing a case against the traffic rule violator. A violation of Article 151 of the Revised Penal Code which is disobedience to the law,” butyag sa mayor.
Alang sa mayor nga angayang panag-ingnan sa uban ang hitabo nga di gyud molapas sa balaod.
Matod ni Alegado nga dili nila itolerate ang di maayong buhat sa ilang mga empleyado.
Nakita niya nga ang duha ka habig polos sad-an.
“We never tolerate such unbecoming behavior of our men. But I do hope people will also respect the law. Both sides have their mistakes,” mensahi sa mayor.
Samtang, dunay nay Good Samaritan nga andam mupyansa sa Delivery Rider nga napriso sa Consolacion. (Jhon Tadlip)
(Source: Consolacion LGU)
(Video: From a Friend of RPN DYKC Cebu)