Laing pagmaya na usab sa Muslim community sa probinsya sa Sarangani human nga takdang ipatindog ang Halal slaughterhouse, ibutang sa lungsod sa Malapatan. Matud pa ni Ms. Jennifer Kamid, ang program manager sa Kalinaw Unit ilalum sa Sulong Kapayapaan program ni Governor Steve Chiongbian Solon, labing una kini nga Halal slaughterhouse sa tibuok Rehiyon Dose naka-basi sa international standard
(Triple A standard).
Una ng napatukod ang Halal slaughterhouse sa Cotabato City nga Double A standard. Paga-pondohan sa Department of Agriculture og Baynte-singko Milyones ka pesos (₱25M). May counterpart ang munisipyo sa Malapatan sa pamunuan ni Mayor Jun Sumbo og ₱ 2.5 Milyon ka pesos, mudungag pud og laing
₱ 2.5 Milyon ka pesos ang opisina ni Governor Solon.
Dakong pabor kini sa mga namuhi og kanding ug baka. Ni-ayuda matud pa sa technical assistance sa paghan-ay sa slaughterhouse sa Sarangani ang City Government sa Cotabato City sa pamunuan ni Mayor Cynthia Guiani-Sayadi hilabi na si Cotabato City Administrator Dr. Danda Juanday.
Nakita sa Department of Agriculture Region 12 ang potential sa Sarangani Province sa Halal slaughterhouse gumikan andam na matud pa ang Muslim community sa probinsya sa Halal livestock production.
Samtang, sa pikas nga bahin, sa hisgutanan nga COVID-19, gideklara sa Department of Health nga baynte dos (22) na kabuok mga taga-Sarangani ang naka-recover sa Coronavirus. Ang maong baynte (20) ka mga indibidwal ang namauli na sa ilang mga panimalay human nag-negatibo na ang ilang mga swab test.
Malipayon na lamang si Governor Solon sa maong balita sa DOH. Ug nag-abiso kini nga padayong tumanon sa mga Sarangan ang mga safety ug quarantine protocol aron dili mahitabo ang local transmission.
(SARANGANI PIO)