Labi ng Pinay OFW na nasawi sa car accident sa Singapore naiuwi na sa bansa

Naiuwi na sa bansa ang labi ni Arlyn Nucos, isa sa dalawang nasawi na OFW sa nangyaring aksidente sa Singapore kailan lamang.

Matatandaang nasawi ang dalawang Pinay matapos na mawalan ng kontrol ang kanilang sinasakyang Grab sa Lucky Plaza Mall sa Singapore noong Disyembre 29.

Samantala, tiniyak naman ng Department of Foreign Affairs (DFA) ang pagbibigay ng ayuda sa pamilya ng dalawang biktima sa aksidente sa nabanggit na bansa.