Tag-report ni Engr. Junelito Abrazado an manager nan Surigao City airport ngadto sa City Development Council General Assembly sa pag-pamuno ni City Mayor Matugas, an update sa plano na kumpleto na pagrehabilitar sa Surigao City Airport ubos na sa Department Of Transportation kun DOTr sa kantidad na 323 Milyon ka pesos.
Sumaya pa na jadton adlaw nan General Assembly nan City DevelopmentCouncil, Nobyembre 16, 2018 tag-himo isab an pag-bidding sa naasoy na project sa Surigao City airport, ug tungod dinhi mapaabot na sa dili madugay sugdan na an trabaho sa amo na proyekto.
Samtang tagpa-klaro isab ni Engr. Abrazado na wayay labot sa 323 milyon ka pesos na gahin para sa hingpit na rehabilitasyon nan airport sa trabaho kuman sa pag-repair sa runway na tag-pahigayon nan Nirvana Construction and Supplies.