Usa ka kumander sa New People’s Army (NPA) ang boluntaryong misurender sa kapulisan sa Abellana Police Station 2, Cebu City Police Office (CCPO), Martes sa buntag, Marso 25, 2025 human sa taas na panahon nga nag tago- tago sa balaod.
Ang rebelde nga nailhan sa alyas nga Kumander “Totoy,” 57 anyos, lumad nga taga Sitio Kakha, Brgy. Talalak, Sta. Catalina, Negros Oriental, dugay nang wanted sa mga awtoridad tungod sa daghang kaso nga iyang giatubang.
Mga Kasong Giisyu Batok sa Suspek: Rebellion (3 counts), Crime Against International Law, Genocide, ug ubang Crimes Against Humanity (RA 9852), Murder (3 counts), Frustrated Murder (2 counts), Illegal Possession of Firearms (RA 10591), Election Offenses (RA 7166 in relation to COMELEC Resolution No. 10728),Robbery (2 counts), ug Theft (6 counts).
Sumala sa kapulisan, gikapoy na sa sigeg tago si Totoy na maoy hinungdan nga mitahan kini sa kapulisan.
Ang iyang pagsurender gikonsiderar nga usa ka dakong kadaogan sa kampanya sa gobyerno batok sa insurhensya ug terorismo.
Sa pagkakaron, nagpadayon ang legal nga proseso alang sa iyang pormal nga turnover ngadto sa nagkakasayod nga mga awtoridad.
📸 Contributed Photo