CAGAYAN DE ORO CITY- Dako ang pagkunhod sa krimen sa syudad sa Cagayan de Oro niining panahon sa hulga sa pagkuyanap sa sakit nga coronavirus. Matud pa ni Cagayan de Oro City Police Office spokesperson Major Evan Vinas, sukad nga mibuto kining covid-19 nga kabalaka, adunay pagkunhod sa krimen matag semana. Gikan sa 117 nga narecord niadtong Marso 3-9, kini miubos ngadto sa 78 Marso 10-16.
Ang counterpart ni Vinas sa Police Regional Office sa Northern Mindanao nagsugilon nga adunay pagkunhod usab sa mga krimen nga narecord sa rehiyon apan ila pa kining gisuta kon kini ba may kalambigitan sa Covid-19 threat.
Sa pasiunang gibutyag ni PRO-Northern Mindanao spokesperson Mardy Hortillosa nga ang kasong homicide, theft ug carnapping ang mius-us sa pagkutlo ning maong report.