Cebu City – Miisyo og Temporary Restraining Order (TRO) ang korte sa dakbayan sa Sugbo batok sa termination sa tulo ka sakop sa board sa Metropolitan Cebu Water District (MCWD).
Gi-grant ni Judge James Steward Himalaloan sa Regional Trial Court o RTC Branch 7 ang order sa miaging adlaw.
Giluwatan ni Himalaloan ang TRO batok sa mando ni Mayor Edgardo Labella sud sa 20 ka adlaw.
Nagpasabot kini nga sa 20 ka adlaw, kinahanglang ibalik sa puwesto sila si Ralph Sevilla, August Pe, ug Cecilia Adlawan.
Base sa order, kadtong bag-ong mga sakop sa board nga tinudlo ni Labella, mopahawa lang una.
Adunay hearing nga gitakda sa Marso 18 alang sa pagpresentar sa ebidensiya nganong dili i-grant ang preliminary injunction ug lain pang husay sa Marso 25 diin ang defendants mopakita og rason nganong kini i-grant.
Si Atty. Amando Virgil Ligutan, abogado sa tulo ka board members, mihangop sa kaugmaran.
Nagpasabot kini nga ang pagpapha sa mayor sa mga board member dili makataronganon.
(Jhon Tadlip/JTY)
(Source: Regional Trial Court-Branch 7, photos courtesy of Contributed photos)