Ini-award na ng National Food Authority (NFA) sa Vietnam at Thailand ang kontrata para sa pag-su-supply ng dalawandaan at tatlong libong (203,000) metrikong toneladang bigas para mapataas ang buffer stock.
Sinelyuhan ang kontrata para sa supply ng 25-percent broken long grain white rice sa ilalim ng isang government-to-government agreement.
Ayon kay NFA Assistant Administrator at Committee on G-to-G Procurement Chairperson Maria Mercedes Yacapin, inaasahang darating sa kalagitnaan ng Disyembre ang unang batch ng shipment na aabot sa 50,000 metric tons.
Posible naman anyang dumating bago mag-katapusan ng taon ang huling shipment na aabot sa 153,000 metric tons.
—-