Kontraktor ug DPWH, ipatawag sa SP

Human sa disgrasya sa kadalanan nga gikalambigitan ni City Councilor Jose Orlando “ Odjok “ Acharon kauban iyang asawa sa Barangay Katangawan highway ning syudad sa Gensan nakatakdang ipatawag atol sa regular session sunod semana ang Kontraktor ug DPWH aron maoy mopasabot sa daghang mga pangutana . Kini ang gibutyag ni Konsehal Odjok Acharon sa pakighinabe sa media atol sa session sa konseho ning adlawa. Matud pa niini nga daghan ug mga isyu nga mitumaw human sa maong aksidente sa dalan tungod tataw nga walay traffic signs or early warning device sa maong highway atol sa maong disgrasya sa dalan bisan pa man nga duha ka mga truck mixer ang nagpahigayon ug pagbuhos ug semento. Giangkon niining kusog iyang dagan sa maong hitabo apan wala magdahum nga adunay tricycle sa inner lane ug dili siya pwedeng mo overtake sa left portion tungod no evertaking zone kon double yellow line ug sa right side unta kini mo overtake apan adunay duha ka dagkong truck mixer hinungdan nga nabangga kini sa likod nga bahin sa truck. Samtang gisaway usab niini ang kadugay mi responde sa ambulance nga gitawagan pinaagi sa emergency hotline sa LGU Gensan. Apil nga ipatawag ang mga personahe sa City Disaster Office. Gidugang pa niini nga iyang ipatawag ang kontraktor ug si Engineer Ray Francisco aron mapangutana sa mga SOP kon Standard Operating Procedures ilabina sa mga trabaho sa kadalanan para mahimong luwas kon safety ang mga motorista. Gibutyag niini nga daghang susamang reklamo sa mga trabaho sa mga projects sa national highway ug gani hinungdan pa sa pagkakalas sa kinabuhi. Hinuon gipasalamatan ni Konsehal Odyok Acharon ang Ginoo nga luwas silang mag –asawa sa maong disgrasya . Bisan sa grabeng kadaut sa sakyanan nga Montero sports luwas usab sa disgrasya iyang asawa nga si Dra. Yvette Acharon . Epektibo usab matud pa ang set belt ug airbag sa maong sakyanan nga maoy nagluwas gikan sa grabeng impact sa maong pagka-bangga sa sakyanan. Balik trabaho na karon si Konsehal Odjok Acharon ug iyang asawa. ( Ronel Degorio RPN-DXDX Gensan)