Davao City – Sikop sa check point sa Task Force Davao sa Sityo Licanan,Barangay Lasang Bunawan District ning syudad ang sakop sa Sangguning Bayan sa Manay Davao Ortiental human nga nakuhaan ug Illegal nga Droga samtang pasulod nganhi sa dakbayan.
Sumala pa ni Task Force Davao Chief Colonel Nolasco Mempin nga ang suspek gila nga si Councilor Eugene Rhoy Balante, 27 anyos ang pangidaron, minyo nga nagpuyo sa Purok 6, Central Manay Davao Oriental.
Nakuha gikan sa posisyon sa dinakpan ang tulo ka sachet nga dunay lama sa gituuhang shabu, duha ka improvised glass tube, duha ka lighter ug usa ka buok nga improvised nga dagum. Nasayran nga sangtang naghimo ug check point ang mga sakop sa 1st squad sa may Lasang Detachment- Task Force Group Lawin dihang nadakpan ang Konsehal sa Manay.
Sa gihimong imbistigasyon, nasayran nga sakay sa Private Utility Van nga nagdala sa plaka numero LGW 896 nga kolor gray gikan sa Manay paingon nganhi sa Dakabayan sa Davao. Dihang gisusi sa Kasundaluhan ang gisakyan sa Konsehal, nakita ang usa ka itom nga Sling Bag nga gibutang tapad sa gilingkuran sa Konsehal, didto na nakita ang gituuhang shabu ug uban pang gamit. Human sa nadiskobrehan, giturn over gilayon si Konsehal Balante ngadtu sa Bunawan Police Precinct alang sa tukmang disposasyon sa mga kasong ipasang-at batuk kaniya.
