- Advertisement -
Tiwala si ACT-CIS party-list Representative Niña Taduran kaugnay sa pangako ni Pangulong Rodrigo Duterte na mas pabibilisin ang paggawa ng presidential pardon sa mga may-edad nang preso at may mga malubhang sakit.
Ayon kay Taduran, kasama sa kapangyarihan ng pangulo ang pagpardon sa mga convicted criminals na naaayon sa legal na pamamaraan.
Iginiit ng kongresista na kailangan sundin ang tamang proseso para matiyak na hindi mauulit ang nangyaring pagkakamali ng Bureau of Corrections (BuCor) sa pagpapalaya ng mga hindi karapat-dapat na preso sa ilalim ng Good Conduct Time Allowance (GCTA) law.
- Advertisement -