Dakong kalipay nila Dimple Mangalon taga-Barangay Spring, Alabel ug Jean Pearl Rocapor taga-Malalag, Maitum human nga gitagaan sila bag-uhay lang og cash incentive nikantidad og Kinse Mil ka pesos (₱15K) matag usa gitunol mismo nila Governor Steve Chiongbian Solon, PPSK President Board Member Rheymar Dian, Board Member Arman Guili ug Board Member Tatang Paras .
Gamay nga pahalipay kini sa Provincial Government sa Sarangani sa paghatag og dakong dungog basi sa ordinansa nga gipasa ni Board Member Dian sa pag-ayuda sa Sulong Kabataan program ni Governor Solon ug ni Board Member Jess Bascuña, ang chairman sa SP Committee on Education, ngadto kanilang duha tungod nahimo silang ika-lima o Top 5 sa nahitabo nga exam sa LET kon licensure examination for teachers sa tibuok Pilipinas.
Top 5 si Mangalon nga may rating nga 90.80 percent, mao usab si Rocapor. Pareho silang gradwado sa kurso nga Elementary Education. Segun sa batan-ong Mangalon, gihimo nyang inspirasyon sa pagtapos sa iyang pagtuon sa MSU Gensan ang kalisdanan sa iyang mga ginikanan.
Iyang amahan ang gabaligya og ice drop. Ug tuod man, nag-rank number 5 pa kini sa LET exam.
Dyes Mil ka pesos (₱10K) usab matag usa ang nadawat nila Nadja Rusaima Dingli taga-Sapu Masla, Malapatan, Cristine Joy Blase, taga-Domolok, Alabel, Keila Faith Pelingon taga-Poblacion, Malungon, Sitti Zhaira Sabinula taga-Tinoto, Maasim, ug Efren Nicolas Andraque Jr. taga-Spring, Alabel.
Sila ang Top 7 (Dingli), Top 9 (Blase & Pelingon), ug Top 10 sa labing ulahi nga LET exam sa elementary ug secondary education sa entiro Pilipinas, mga topnotcher nga gikan tanan sa probinsya sa Sarangani.
Ang ulahi nga pagpahigayon og licensure exam for teachers ang natigayon Septembre niaging tuig, ug wala na kini nasundan pa gumikan sa Coronavius pandemic.
(Source: Provincial Information Office – Sarangani Province)
