“There’s no formula in true love”.
Ito ang naging pahayag ng aktres na si Kathryn Bernardo, sa pagdiriwang nila ni Daniel Padilla ng kanilang ika-pitong anibersaryo bilang magkasintahan.
Ayon kay Kathryn, madalas siyang natatanong kung paano naging matatag ang kanilang relasyon ni Daniel.
Aniya, walang sikreto sa matatag at matagal na relasyon, kundi sadyang pinili lang nila na mahalin ang isa’t-isa, sa kabila ng kanilang pagkaka-iba, at pagsubok na dumaan sa kanilang buhay.
Kasabay nito, pinasalamatan naman ni Kathryn si Daniel sa walang sawang pag-suporta at pagmamahal sa kaniya.
Samantala, ibinahagi rin naman ng aktres na kasalukuyan silang nasa Morocco ni Daniel upang i-celebrate ang kanilang anniversary.