Katawhan gidapit pagsaksi sa 24th Dipolog P’gsalabuk Festival opening

0
1

Mainiton nagdapit ang kagamhanang lokal ning siyudad ngadto sa pagahimoong pagbukas sa “24th Dipolog P’gsalabuk Festival karong umaabot adlaw nga Biernes, Abril 21, 2023.

Sugod ning adlawa, ipahigayon ang mga  nagkalain-laing kalingawan nga tuyong ipahaom ngadto sa kasaulogan sa P’gsalabuk Festival gikan Abril 21 ngadto na sa  tunga-tungang bahin sa bulan sa Hunyo karong tuiga.

Isip pagtimaan sa pagbukas sa maong kasaulogan, gikatakda nga ipahigayon ang “Tagbo, Sugba Tuloy Salu-salo”, sa Dipolog Boulevard sa may alas 5:00 ang takna sa sayong buntag hangtud sa alas 7:00 ang takna, diin himoon ang libreng bahug-bahog sa  kinan-anay sa sinugbang isdang “Tuloy” sa mga katawhan, dayon pagasundan sa lumba sa bangkang de makina  ug binigiw, tanan dinha ipahigayon sa Dipolog Boulevard.

Samtang sa pagka hapon sa April 21, sa may alas 3:00 ang takna, adunay ipahigayon nga  “Fluvial parade” nga pagasalmotan sa daghang  mga bangkang panagat nga manukad didto sa Port of Dipolog (Galas), padulong sa breakwater, dayon mobalik hunong dinha sa baybayon sa Dipolog Boulevard alang sa awarding program sa nagpakadaug sa bancathon.

(Source: Dipolog City Government Facebook page)

Leave a Reply