Cebu City – Gihandum karong adlawa, Abril 3, 2021, ang katakus ug ka isog sa mga Cebuano Katipuneros nga nakig batok sa Spanish colonizer sa historic battle sa Tres de Abril , 123 na ka tuig ang milabay.
Ang maong kalihukan gipangunahan sa Cultural and Historical Affairs Office sa Syudad sa Sugbo uban sa Cultural and Historical Affairs Commission (CHAC).
Gihulagway kini nga laing “commemorative momentous moments” sa Cebuano History.
Pipila ka mga opisyal sa Syudad sa Sugbo mihalad ug buwak sa marker sa historic battle sa Dan Tres de Abril sa simple nga selebrasyon taliwa sa pandemiya.
Subay niini, mipahigayon ug Webinar ang CHAC pinaagi ni Commissioner Dr. Jobers Bersales nga giuuluhan ug Kaligutgut: The 2021 Battle of Tres de Abril Commemorative Lecture.
Sentro niini mao ang pagsubay sa halawom nga background sa Cebuano revolution.
“For the years that have past, we focused on the main story that was Leon Kilat and the revolution of April 3,” mensahi sa Cultural and Historical Commission.
“This year we look deeper into the story and look for more background information on the subject,” dugang mensahi sa Commission.
Ang panagsangka sa mga Cebuano Katipuneros pinanguluhan ni Leon Kilat tali sa mga mananakop nga Espanyol nahitabo niadtong Abril 3, 1898, atol kini sa Philippine Revolution.
Mga importanteng personalidad sa habig sa Katipunan naglakip nila Arcadio Maxilom, Florencio Gonzales, Florencio Llamas, Jose Ignacio, Bonifacio Aranas nga naglangkob sa 5 mil nila ka mga sakop.
Samtang sa habig sa Espanya gipanguluhan kini ni Fernando Primo de Rivera nga dunay 500 ka cazadores, usa ka gunboat ug usa ka cruiser. (Jhon Tadlip/JTY)
(News & photo courtesy of Cultural and Historical Affairs Office-Cebu City)