Cebu City – Gibasura sa Ombudsman ang kasong criminal nga gisang-at batok nila ni Gob. Gwendolyn Garcia ug laing 11 ka sinumbong labot sa kontrobersiyal nga katukoran sa CICC o Cebu International Convention Center sa reclamation area sa dakbayan sa Mandaue.
Base sa 12-ka-pahinang desisyon, ang Ombudsman nag-ingon nga ang pagpatukod sa Kapitolyo sa CICC walay trampas.
Nag-ingon usab ang dokumento nga ang mga items nga napalit husto ang presyo ug nahasubay sa standards nga gilatid sa COA o Commission on Audit.
Walay hokus pokus nga mitumaw sa maong proyekto tungod kay ang kagamhanang probinsiyal walay nagasto nga sobra sa badyet ug wala usay ebidensiya nga nagpakita nga nakabenepisyo ang mga respondents sa transaksyon.
Ang maong hukom gihan-ay nig raft investigation & prosecution officer Daniel Von Evan Panelo ug gipirmahan nila ni Ombudsman Samuel Martires ug Assistant Ombudsman Jose Balmeo, Jr. niadtong Disyembre 21 sa miaging tuig.
Sa nasayran, sila si Gob. Garcia ug ubang opisyal gipasanginlang nakalapas sa Anti-Graft and Corrupt Practices Act sa pagpatukod sa CICC dihang nagsingabot pa ang ASEAN Summit niadtong2007.
Giakusahan sila nga mipaburot sa presyo ug migamit og sub-standard nga mga materyales nga ang tanan nag kantidad og ₱ 800 milyones. (Jhon Tadlip/JTY, photo from the internet)
(Source: Office of the Ombudsman)