Cebu City- Giserhan ang tanang operating rooms sa VSMMC o Vicente Sotto Memorial Medical Center sa dakbayan sa Sugbo dihang ang 18 ka healthcare workers nga nagpositibo sa coronavirus disease o covid 19.
Base sa statement sa VSMMC, upat ka doctor, pito ka nurses, duha ka nursing attendants, ug lima ka institutional workers ang nataptan sa virus.
Atol sa press conference, gibutyag sa Department of Health o DOH-7 nga nagsugod pagkatap ang virus dihang ang usa ka nars sa operating room nagpositibo sa sakit niadtong Disyembre 28.
Suma pa sa tigpamaba sa DOH 7, Dr. Mary Jane Loreche, mitambong sa trabaho ang nars bisag adunay gipamati ug mitabang sa surgical operations sa operating room.
Gireport usab sa DOH 7 nga unom ka doctor ang gi-covid sukwahi sa statement sa VSMMC nga upat ra.
Ang ubang doctor nga nagpositibo nag pakita og sintomas sa sakit ug sa 18 ka health workers sa VSMMC nga masakiton, walo ang adunay mild symptoms samtang ang uban walay timailhan sa virus.
Gitak-opan sa VSMMC ang ilang operating rooms sugod gahapon hangtod ug matungod sa gihimong decontamination apan adunay laing lawak nga giandam alang sa emergency surgeries kon gikinahanglan. (Jhon Tadlip/JTY, photo courtesy by Henry Canizares)
(Source: VSMMC | DOH-7)