General Santos City – Giangkon ni Police Col. Jomar Alexis Yap, City Director sa General Santos City Police Office nga misaka ang ihap sa patay sa dakbayan sa Gensan sa unang tulo ka bulan ning tuig 2023 kung asa ang bulan sa Pebrero maoy pinakataas nga miabot ug pito.
Pag-angkon niya nga usa sa mga problema nga ilahang gi-atubang, adunay mga opisyal sa barangay ang wala ga-kooperate sa kapulisan busa dako matud pa ang mamahimong tabang higayon nga mamuntar na ang CCTV Synchronization ug Command Center sa syudad.
Dako ang iyahang pagtuo nga anaa lang sa sulod sa syudad gatago ang mga responsable sa pagpamusil sa Gensan gumikan bisan ug adunay mga naka-deploy nga mga pulis, dili gilayong madakpan ang mga suspek.
Dugang pamahayag ni Police Col. Yap nga sa lima ka mga barangay nga adunay taas nga kaso sa pagpamusil nga mao ang barangay Fatima, Calumpang, Apopong, Labangal ug Barangay Lagao, kini ang adunay taas nga ihap sa papulasyon ug nagsugod na sa paglambo hinungdan nga dili malikayan ang pagtaas sa krimen. (Fred Degala)