Cebu City- Giandam na sa Cebu City Police Office pinangulohan ni Col. Hector Grijaldo ang kaso batok kang Konsehal Prisca Niña Mabatid tungod sa pag-post niini og fake news labot sa coronavirus disease kun Covid 19.
Sumala pa ni Grijaldo, kasong kalapasan saAnti-Cyber Crime Law ang ilang isang-at batok kang Mabatid.
Nahinabi sa media, si Grijaldo miingon nga nakiglambigit sila sa Anti-Cybercrime group sa pagsipong sa tanang gikinahanglang dokumento sa kaso.
Midugang si Grijaldo nga iya nang gikasulti ang abogado sa konsehal ug kini misulti kanila nga andam kini pag-atubang sa imbestigasyon.
Gitug-an usab ni Grijaldo nga ang screenshotssa postni Mabatid dako og papel sa pagpasaka sa kaso.
Nagkanayon ang director nga ang tanang kutob sa mahimong gamitong ebidensiya ilang isukip sa kaso.
Miingon si Grijaldo nga pagka karon, aduna nay igong rason ang Anti-Cyber Crime Unit sa pormal nga pagsang-at sa sumbong batok kang Mabatid.