Cebu City – Mipasalig ang kapolisan sa Lalawigan sa Sugbo nga ilang i reinforce ang bag-ong kamanduan sa Kapitolyo nga magdili ug mopahamtang ug silot sa mga operators kansang Public Utility Vehicles (PUVs) nag overloading.
Kini homan si Governor Gwendolyn Garcia nakigtagbo sa mga hepe sa tanang police station sa Probinsya sa Sugbo, Miyerkules, Agosto 11, 2021.
Gi discuss nila kagahapon kung unsaon ang epektibo nga pagpatuman sa bag-ong giluwatan nga Executive Order (EO) No. 35-B nga nag dili sa overloading ug air-condition nga mga bus, isip measures batok sa Covid-19.
Si Police Colonel Engelbert Soriano, director sa Cebu Provincial Police Office (CPPO), kinsa mitambong sa meeting, miangkon nga dunay pagkuwang sa ilang bahin sa pagpatuman sa EO.
Nangayo ug pasaylo si Soriano atubangan kang Garcia ug sa mga mitambong nga kapulisan.
“I admit of our shortcomings and if you may allow us, we will improve our enforcement,” mensahi mi Soriano.
Gipasalig ni Soriano nga ilang i improve ang pagpatuman sa bag-ong directives gikan sa Kapitolyo.
Ilang giangkon ang inefficiency sa pagpatuman, hinoon naklaro na nila ang tanan ug ang ilang mga kapolisan duna nay clearer picture sa paglihok sa implementation.
Mi-commit si Soriano nga ma improve ang pagpatuman sa EO.
Mipatawag ug meeting si Garcia aron physical nga makig kita sa mga hepe sa Cebu Province human wa kini matagbaw kung gi unsa pagpatuman ang EO No. 35-5.
Ang maong EO No. 35-B, gipagawas niadtong Agosto 5 ug naglatid sa mga guidelines alang sa operation sa public utility vehicles (PUVs) atol sa General Community Quarantine with heightened restriction sa lalawigan.
Ang bag-ong rule nagmando sa mga operators sa bus ug mini bus sa lalawigan pag presenta sa trip tickets ngadto sa police-manned inspection isip proof nga naka tuman sila sa health protocols sa public transportation. (Jhon Tadlip)
(News & photo courtesy of Cebu Provincial Government)