Cebu City- Gipahibawo ni Gob. Gwendolyn Garcia ang mga mayor nga iyang hangyoon ang IATF o Inter-Agency Task Force nga palugakan pa ang quarantine restriction sa probinsiya.
Sa iyang pakigtagbo sa mga mayor sa milabayng adlaw, mohangyo siya tungod kay dili kini maoy buot mahitabo sa lalawigan.
Matod niya, kinahanglang modis-og pa sa sunod lebel ang Sugbo inay magpabilin sa GCQ o general community quarantine kay andam niini ang probinsiya.
Ang IATF mipahibawo niadtong Sabado sa pagbutang sa tibuok lalawigan sa Cebu ubos sa GCQ.
Kini bisan pag miluwat na og resolusyon ang IATF-Management for the Emerging Infectious Disease niadtong Mayo 28 pagbutang sa Sugbo sa mas relax nga GCQ o MGCQ kun modified general community quarantine.
Ang miting sa mga mayor ug sa mga opisyal sa nasodnong ahensiya sa milabayng adlaw sa Kapitolyo gitumong sa pagpangandam sa hapsay nga transition gikan sa GCQ ngadto sa MGCQ.