30.9 C
Manila
Friday, March 29, 2024

Kapin Sa ₱1M Nga Balor Sa Drugas, Armas Ug Mga Kontrabando Nasakmit Sa Operation Sud Sa Cebu City Jail

- Advertisement -

Cebu City – Nakasakmit ang Philippine Drug Enforcement Agency (PDEA) 7 ug ang Bureau of Jail Management and Penology (BJMP) ug illegal nga drugas nga mobalor ug ₱ 1.08 million sa ilang gilusad nga joint greyhound operation, sa mga selda sud sa Cebu City Jail, kadlawon sa Mayo 6, 2021.

Gawas sa illegal nga drugas, naka kuha sab ang PDEA 7 ug BJMP ug mga kontrabando ug armas.

Kini naglakip sa .45 caliber pistol ug magazine assembly, bala, mg cellphones ug mga sigarilyo.

Gibutyag ni Jail Superintendent Jose Rusylvi Abueva, Cebu City Jail Warden nga duna silay nabantayan nga kadudahang lihok sa mga inmates o persons deprived of liberty (PDLs).

Kini maoy hinungdan nga mi coordinate ang jail management ngadto sa PDEA alang sa joint operation.

Duna say nadawat nga impormasyon ang jail management labot sa mga kontrabando nga nakasud sa maong facility.

Nagtoo si Abueva nga ang mga nahisgutang illegal nga butang gipang itsa gikan sa gawas pasud sa pasilidad bisan pa man kon duna silay gibutang nga net ibabaw sa koral.

Duna say posibilidad, matod pa sa opisyal nga gitago kini sa mga pagkaon nga gi deliver ngadto sa mga inmates.  (Jhon Tadlip/JTY)

(News & photo courtesy of PDEA 7 | BJMP)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -