Mikabat sa P276,018,500.90 ka pesos an kinatibuk-an na kantidad sa mga proyekto an nahidapat sanan na-angkon nan mga kabaranggayan nan dakbayan sa tuig 2020.
Pipila lamang sa mga proyekto niini amo na an sa Brgy. Alegria, an pagkompleto sa Tourist Inn na mikantidad nan P1,000,000.00.
Laing proyekto isab sa Brgy. Anomar, an school perimeter fence nan Anomar Elemementary School sanan sa Anomar National High School pag kompleto nan Female Building sanan Residential Center niini.
Laing proyekto isab nan pag construct nan irrigarion system sa upper sangay, sanan an improvement/upgrading sa level ll nan water system na mi suma total sa P6,525,819.99 ka pesos.
Samtang sa Brgy. Aurora isab amo na an pagpadajaw sa dayan niini pasingod na sa Purok-1 sanan 2 na mikantidad sa P997,761.32 ka pesos. Laing proyekto isan an sa Brgy. Bilabid, amo na an pag repair sa Brgy road sanan pag reprap nan seawall sa P-3 na mikantidad sa P1,496,448.77.
Sumaya pa sa buhatan nan city engeneering na mahamok pa an mga proyekto sa syudad an padajon pa na ipahigayon ubos na sa administrasyon ni city mayor Estong Matugas diin apektado isab tungod sa nahotang kuman na sitwasyon na pandemya apan ini magpadajon sa gihapon para na sa katawhang Surigaonon ug sa kinatibuk-ang kalambuan nan dakbayan.