Davao de Oro – Mukabat sa kapin sa 157,000 doses sa bakuna kontra covid-19. Si Davao de Oro Governor Tyron Uy maoy midawat sa 43, 150 ka doses sa Janssen Covid 19 vaccines sa Johnson and Johnson gikan sa Department of Health (DOH) samtang 54,840 doses nga mga bakuna nga padayon karon nga ginahatag alang sa 2nd dose.
Subay sa pinakabag-ong report sa Vaccination Operation Center (VOC) ni Gov. Tyron Uy, duna nay mukabat sa 85,806 total target population sa mga kategoryang A1 to A4 nga nahatagan sa libreng mga bakunang Janssen Covid 19 vaccines, Sinovac, Astra Zeneca, Moderna, ug Pfizer.
Gipahimutang na sa storage facility ang mga nahisgutan nga bakuna.
Samtang nag-awhag ang Davao De Oro Provincial Government ngadto sa ilang katawhan nga kung torno na sa pagpabakuna, -i-avail dayon kini aron maproteksyonan ang kaugalingon ug pamilya kontra-covid-19.
(Source: Davao de Oro Public Information Office)