Cagayan de Oro – Mahatagan na og katumanan ang gisaad ni Cagayan de Oro City Mayor Rolando “Klarex” Uy nga moabot na sa 10,753 ka mga city scholars ang makapahimulos sa scholarship program sa ting-abli sa klase karong tuiga.
Kini ang gipadayag ni Mayor Klarex Uy atol sa closing ceremony sa pinakaunang Scholars’ Cup, nga gipahigayon sa diha sa Misamis Oriental Integrated Sports Complex niadtong adlaw’ng Domingo.
Gidasig usab sa mayor ang mga city scholars nga magpadayon pagtungha sa kursong nursing, medicine ug law inig human og gradwar sanglit nagtanyag karon ang siyudad og scholarship alang niini.
Sa pag-abri sa klase karong tuiga, modawat na usab ang syudad og mga scholars alang sa mga estudyante sa nursing nga anaa na sa 2nd year hangtud 4th year.
Gilaumang buksan ang application alang sa city scholarship karong Lunes, Pebrero 5 alang sa mga incoming college students.
News and photo courtesy of CIO CDO