31.9 C
Manila
Thursday, April 18, 2024

Kantidad sa 3.9 milyones pesos nga Illegal nga Droga, gidabdaban sa PDEA

- Advertisement -

Davao City- Gidauban sa Philippine Drug Enforcement Agency Southern Mindanao Region ang kantidad sa  P3.9 milyon nga iligal nga druga, didto sa IBP Building, IBP Davao del Norte Chapter, Mankilam, Tagum City, Davao del Norte.

Sumala pa ni PDEA-Davao Regional Director Antonio River nga motimbang sa 468.3683 gramos sa gituohang shabu nga dunay street value nga P3,184,911.24 ug 5,942.8570 gramos nga dunay street value P713,142.84 sa marijuana nga ang tanan mosumada sa P3,898,054.04.

Dugang pa ni PDEA-Davao Region director Antonio Rivera nga usa sa katuyoan niini aron masiguro nga walay ma-recycle nga iligal nga druga ug makita sa katawhan nga matinud-anon ug seryuso gyod ang gobyerno karon sa pagbatok sa iligal nga druga.

Atubangan sa mga opisyal sa Davao del Norte, gida-uban ang nahisgutan nga mga iligal nga druga ug mga paraphernalia. Ang nasampit nga mga druga maoy nasakmit sa PDEA-Davao Region sa mga nanglabay nga mga bulan sa mga dapit sa Davao Region.

“This collaborative effort of the 5 pillars of the criminal justice system serves as a warning to all drug perpetrators that we are working hand in hand to suppress the supply of illegal drugs in our country,” tipik sa pamahayag sa PDEA-Davao Region.

Sa kasamtangan, padayon ang buhatan uban sa tanang unit sa awtoridad nga mopahigayon og mga operasyon aron maseguro nga drug-free ang komunidad sa Davao Region.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -