Nakabsan gyud sa kinabuhi ang kanhi pulis human gipusil sa riding in tandem.
Didto kini nahitabo sa Barangay Calanggaman, Lungsod sa Ubay, Probinsya sa Bohol, pasado alas 7:15 kagabii, Abril 3,2023.
Giila ang biktima sa Ubay Police Station nga mao si Retired Police Leonardo Hoylar, kasamtangang konsehal ug residenti sa Barangay Tuburan, Lungsod sa Bien-Unido, Bohol.
Sa imbestigasyon sa kapulisan nasayran nga luwan sa auto ang biktima kuyog sa iyang pag umangkon nga gikan sa buwangan sa dihang gisundan kini sa mga mamumuno nga luwan sa usa ka motorsiklo.
Pag abot na sa naasoy nga lugar gipang pusil sila nga niresulta sa kamatayon sa konsehal og gikaangol sa iyang pag umangkon nga padayong giatiman karon didto sa tambalanan.
Sa pagkakaron padayon ang gihimo nga imbestigasyon sa kapulisan aron pagsuta sa motibo sa maong krimin.
Ipaubos usab sa background check ang mga biktima kung wala ba kini gikaaway o kaha gikalambigit nga illegal nga binuhatan.
Contributed Photo
via Renante Lada