Davao Oriental – Duha ka bomba og uban pang mga gamit sa pag paboto ang nabawi sa kasundaluhan human gituga an sa nitahan nga mga kanhing membro sa terroristang NPA sa Purok Terato, Brgy. Sanghay, Mati, Davao Oriental.
Pinaagi sa hapsay nga pag dawat sa duha ka kanhing membro sa NPA nga nitahan sa ilang kaugalingon, ilang gitudlo ang location sa maong bomba nga dali usab gi tagaan og pagtagad sa atong kasundaluhan sa 28th Infantry (Kamagong) Battalion ubos sa pag dumala ni Lieutenant Coronel Alexander Banatao. Kauban ang mga personahi sa 104MICO og personahi sa 2nd DOPMFC nga kung diin nakuha ang duha ka (2) Improvised Explosive Device (IEDs), isa (1) ka rifle grenade og isa ka (1) ignition switch sa Purok Terato sakop sa maong barangay.
Ang maong bomba “IED” gilubong sa ginganlan og Juanillo Gora @botchoi, kanhi nga Milisya sa NPA sa maong dapit, gikaingon nga ang maong bomba gibilin kaniya para pataguan ni alyas “DAR” kanhi nga leader sa nagkahuyang nga GF18 sakop sa terroristang NPA kaniadtong tuig 2016.
Nabawi ang maong mga bomba tungod sa tabang sa duha (2) ka kanhing membro sa NPA nga gitago ang pangalan aron sa ilang kaluwasan nga nitahan sa ilang kaugalingon tungod kay nakita nila nga maayo ang programa sa panggamhanan busa gusto nila nga malimpyo ang ilang mga pangalan og manginabuhi nga adunay kahapsay kauban sa ilang minahal sa kinabuhi.
Ang maong mga bomba nga nabawi gi pasa na kini sa 2nd DOPMFC para sa han-ay nga pag atiman, ingon man ang mga nitahan nga mga personalidad temporaryo nga gipasa usab para sa opisyal nga dokumento nga pagpamatood sa ilang pag balik sa panggamhanan.
Resulta na kini nga panghitabo tungod sa makanunayon nga pagtinabangay sa mga ahensya sa panggamhanan subay sa gipanday nga balaod nga EO #70 og ilalom niini nga balaod nag padayon ang programa sa NTF-ELCAC nga ang bugtong panglantaw nga maundang na ang insurhensiya nga dala sa terroristang CPP-NPA-NDF og mag puyo nga malinawon ang katilingban nga layo sa kahadlok og magkinabuhi nga adunay malungtarun nga kalambuan.
(CMO-28th IB/ OIC Michael Manguhig, RPN DXKT Davao)