Kanhi Board Member Juan Bolo Sa Unang Distrito Sa Sugbo Patay Na

0
33

Patay na si kanhi Bokal Juan Bolo sa unang distrito sa probinsiyay sa Sugbo.

Mitaliwan si Bolo niadto pang  Sabado, Mayo 2, sa edad nga 77 tungod sa cardiac arrest.

Segun sa  news release nga giluwatan sa buhatan sa bise gobernador kagabii, atake sa kasingkasing ang namatyan ni kanhi board member Bolo  

Subay niini, segun sa news release,  mipadangat dayon og pahasubo ang hunta probinsiyal ngadto sa pamilya ni Bolo.

Tungod sa ECQ o enhanced community quarantine, walay necrological service nga gihimo alang sa kanhi sakop sa PB.

Midugang ang tinubdan, nga ang PB mopada sa gi-frame nga kopya sa resolution nga maghapasubo sa nagbangotang banay uban sa lukong sa mga buwak o korona sa patay.

Gibiyaan ni Bolo ang iyang kapikas nga si  Margie ug duha ka anak lalaki.

Gitakdang ilubong ang patayng lawas ni Bolo karong Domingo sa sam-ang sa siyudad sa Talisay.

Segun sa talaan,  napili si Bolo nga board member sa unang distrito sa duha ka termino gikan sa 2004 ngadto sa 2010 ug buot pa unta niyang moalagad sa ikatulong termino apan wala na mapili.

 

Leave a Reply